未買就升，一買就跌

筆者之前一直認為自己是股壇殺手，或者係明燈（對其他人而言）。
因為通常無買果隻股票時，股價緩緩上升。
當一買入該股的時候就開始下跌，非常準確。

後來看過一些投資書籍，才發現其實是可以解釋的。
原來我不是股壇殺手，而是股壇羊牯, 成為了大戶的點心....

未買時係咁升?

 

大戶不斷買入, 因此股價緩緩上升, 吸引投資者既目光。
加上市場開始不斷有聲音吹棒, 愈來愈多人關注, 亦愈來愈多人投資該股。
這個時候, 股價經已升至一定既高位。

買入之後就跌?

 

當被市場吸引, 按耐不住進場之後, 心想升少少就可以獲利離場。
往往得到既結果都係事與願違, 下跌收場。
因為大戶在這刻已經賺夠了, 割禾青, 大手離場。
而剛剛進場的散戶亦成為了大戶既點心, 接下火棒, 與家鄉相隔甚遠。
若買入的是有質素的股票, 耐心等候, 仍有機會返回買入價。
若然買入的是平時無人問津的股票, 那重返家鄉之日就遙遙無期了。

總結

 

千萬不要在股票市場非常熾熱的時候進候進場, 反之, 應在股市淡薄的時候默默收集好貨。
但這樣的逆向操作並不容易, 並且需要有高紀律性, 忍耐力, 一定的財商和膽色才能做到。

巴菲特名言：「在別人貪婪時恐懼，在別人恐懼時貪婪。」

 

筆者並不是叫大家一跌市就入貨, 因為下跌可能有好多原因。
一定要留心觀察下跌的股票是因為受到市場氣氛影響而下跌,
還是因為該公司的營運出現問題, 不能再賺錢, 基本因素轉壞等而下跌。
因為這樣才能確保自己不是買入損壞的資產, 而是平價買入好的資產。

不愛輸, 要愛書

筆者一向不愛睇書，只愛睇美劇，電影。
同一套電影可以翻看數次，特別是有關軍人，特種部隊的戲（The Rock粉絲），
有些甚至不下十次。但是如果你叫我睇書，真係不下一次都很難。

買下標竿兄的「打造自己的財富流」，經已打破自己多年沒有買書既紀錄。
火速睇完之後，一口氣買多四本投資書籍，簡直是奇蹟。


大約三個月前買了四本有關投資的書，已經完成其中三本。
雖然是緩慢地進行，但總好比沒有進行吧！
正所謂遲到好過無到嘛，哈哈！

睇書既感覺 - 睇書前
書本是很泛味的，無聲無畫，非常沉悶。
睇一本書要睇好耐先睇完，又多字，有排玩。
睇黎睇去都係文字，唔吸引。

睇書既感覺 - 睇書後
書本仍然是無聲但有畫的，有圖文分析，清楚易明。
睇一本書原來可以好快睇完，因為你會日日追看。
睇黎睇去的確都是文字，但好睇既書你係會感覺到作者在跟你說話，
跟你分享他的想法，吸引你繼續睇落去。
發現睇到一本好既著作，是會令你的思想擴闊，有更多新的思維。
你可以欣賞到別人成功既秘訣，繼而自己去思考並運用，增加自己的能力。

總結
投資是需要先溫習功課，增加自己的財務智商（財商），然後才進行投資。
這樣, 你會更有信心地出擊作投資又或者更小心地避免出錯。
因為你會發現投資其實是多做多錯，少做少錯。
股神巴菲特便是很好的例子，買賣並不頻繁，但遇到好時機就會重鎚出擊。
他所得到的成功, 是有目共睹的。

價值投資 VS 被價值投資

上回講到我去開戶口買股票，但開左唔買都係無用既。
所以，我在2018年既第一個月裡面，買下我人生第一部跑車（股票），吉利汽車（00175）！

                    吉利领克（Lynk & Co）- 领克 02

咁多股票點解會揀佢呀？

2017年股票市場比較興旺，好多唔係玩開股票既人都話要買股票賺大錢（好多人其實即係本人，哈哈）。所以我從身邊朋友的投資組合裡面去研究，分析，希望尋找一支有潛力爆升既股票。當然我的所謂研究分析其實係好表面啦，因為我財務知識才剛剛開始建立。但當時汽車股在2017年尾和2018年年頭，是非常強勢的。有見及此，我投下神聖的一票。吉利汽車（00175）成為我第一支愛股。

買入之後第二天，股價再升了一點，升至接近年內高位。心想，勁呀吉仔，破頂破頂！
點知往後幾日，未能破頂之餘仲要倒跌，一跌就由年頭跌到今日。加上中美貿易戰既關係，而家跌近30%，股價由28蚊跌到20蚊，真係慘不忍睹！

好像股神巴菲特般的價值投資者並不會因股價短期既波動而影響了自己對企業既信心。他們會繼續耐心持有，長線投資，適當時候還會增持！

但因為我不是股神，暫時這刻，我不敢說自己是價值投資者，只是被迫成為價值投資者而已，因為賣出就會虧損很多，哈哈。因為我是人，不是神，好難做到神做到既野嘛，對吧。不過我是充滿信心的，因為吉仔既汽車銷售仍然強勁，財務狀況亦不錯。一間企業的業務沒有出現問題，只是股價暫時因外圍環境因素而受壓的話，這樣的話便無需擔心。風雨過後就會天晴，股價亦自然會回升。

繼續安慰自己，耐心持有，總有出頭天！加油呀，吉仔！

史上第一Post

大家好，小弟第一次寫博文，請多多指教。
其實寫blog是為了讓自己可以作個紀錄，他日可以睇返，檢視自己有無成長。
因為好大可能係無人會睇到，得自己會睇，當做日記或者筆記咁用啦，哈哈。

小弟是一位80後的中青人，年青我唔敢講啦，但又未到中年，唯有打個和，叫做中青吧，又或者我成日都會話自己係八十九，因為我係1989年出世既，勉強係80後，但又接近90前。本人係初學投資既新新手，投資經驗只有半年，完完全全是一位財疏學淺既投資者。

為什麼會學投資呢？

事源係上年年尾，一班由中學識到而家既兄弟姊妹聚會時，驚發現其中一位兄弟原來準備出書，仲要係一本教人投資既書。當堂O了我的大咀，原來識左十幾年既兄弟係投資方面咁有心得。心諗，衰仔，又唔早D話我知，等我可以早些起步，早些財務自由嘛，哈哈。

聚會之後，立即上兄弟既blog到睇下，睇下佢有幾勁先啦。唔睇由自可，一睇就停唔到手。接下來一星期，將佢個blog  KO左，掃哂佢所有文章。然後，總結係一個字講完：服！
原來投資對自己將來既人生有咁大既影響，亦得出一個結論，可以的話，愈早學習投資愈好！亦認清對投資既錯覺，投資其實不是賭博，正確既投資觀念係會為你帶來財富。
睇完blog之後，兄弟的投資書出爐了，當然要支持下啦！

<<打造自己的財富流>>   80後標竿人生

在2017既年尾，為來年既自己，我訂立了一個好重要既目標，係我人生將要成功既目標，就係，開戶口！！唔開戶口點投資呢？點會可以邁向財務自由呢？對吧，哈哈！

因為人有惰性，如果唔坐言起行，好快就會唔想行，變成永遠既等待。
所以在2018年頭幾天我就立刻去開戶口，展開我的逆光之路！